492 Son bel acueil,[1]
Espérance de terminer mon dueil,[2]
Sa grant biauté, si dous riant vair oueil,[3]
Et ce qu’en li n’avoit goûte d’orgueil,[4]
496 Le hardement
De requerre merci couardement[5]
Me donnèrent ; si li dis humblement,
Moult tresmuez et paoureusement :[6]
500 « Ma chiere dame,
Vostre biauté mon cuer art et enflame,[7]
Si que seur tout vous aim, sans penser blâme,[8]
De cuer, de corps, de vray désir et d’ame.
504 Si vous depri.
Douce dame, qu’aiez de moy merci ;[9]
Car vraiement, je morray d’amer ci.[10]
Se de vo cuer, qui a le mien nerci,[11]
508 N’ay aligence. »
Et quant einsi li os dit ma grevance,
Un pou muer vi sa douce samblance,
Ce me fu vis ; dont je fui en doubtance[12]
512 D’estre escondis ;
Mais ses regars m’asseuroit toudis.
Et sa douceur, et son gracïeus ris,[13]
Si que par euls encor fui enhardis[14]
516 De dire : « Helas !
Gentil dame, pour Dieu, n’ociëz pas[15]
Vostre loial ami, qui en vos las
- ↑ F Mon
- ↑ KJP vueil
- ↑ D La ; E vert
- ↑ D Et pour ce que li
- ↑ A requérir
- ↑ K cresmeuz ; J tresmeuz
- ↑ KJ art mon cuer ; P entame
- ↑ E Si que seruir vous vueil sanz p. bl. ; DKJP tous
- ↑ KJ Gentilz dame aiez
- ↑ E damour
- ↑ de manque dans D ; KJ nourri
- ↑ AFM je fu ; E je sui ; vis manque dans KJ
- ↑ CAT vis
- ↑ AFDKJ ïvi\ E sui
- ↑ BD nobliez.
