Si que, dame, se je pleure et gémi[1]
Parfondement et di souvent : « Aimy ! »,[2]
708 N′est pas merveille,
Quant sa fine biauté qui n′a pareille[3]
Et sa colour vive, fresche et vermeille.
Et son très dous regart qui me traveille,
712 M′ont eslongié,
Et qu′elle m′a dou tout donné congié
Et de tous biens privé et estrangié.
Helasl comment aroie je cuer lié ?[4]
716 Et a grant tort[5]
M′a retoUu ma joie et mon confort,[6]
Et si m′a mis en si grant desconfort[7]
Que je say bien que j′en aray la mort ;
720 Ne riens deffendre
Ne m′en porroit, nés un seul confort rendre,[8]
Mais ce qui fait mon cuer partir et fendre,[9]
C′est ce que je ne me say a qui prendre[10]
724 De mon anui.
Car il m′est vis, se par Fortune sui[11]
Jus dou degré ou jadis montez fui[12]
Par li en qui je ne me fi, n′apui,[13]
728A dire voir,[14]
Que nul mal gré ne li en doy savoir,
Car elle fist dou faire son devoir,
N′elle ne doit autre mestier avoir
732 Fors de trair[15]
Ceaus qu′elle voit monter et enrichir.[16]
- ↑ E ma dame
- ↑ E et souuent dy
- ↑ M Que
- ↑ KJ Las et com. ; CDKJP a. le cuer ; M je le cuer
- ↑ C Car
- ↑ C Ma tolu ; XJ Ma joie ma tolu ; E déport
- ↑ 718 et 719 intervertis dans KJ
- ↑ BD ne ; P non ; KJ ne nul bon conseil rendre
- ↑ E que ; D quil ; KJ pâlir et frandre (J freindre) ; C rendre
- ↑ KJ plaindre
- ↑ P que par f.
- ↑ K du dangier ; D sui
- ↑ KJ je me fie et apui
- ↑ K Au
- ↑ KJ Que
- ↑ CDKJP fait monter.
