Li rois les tint huit jours moult liement
Et au partir leur donna largement
Chevaus, harnois, joiaus, or et argent.[1]
2040 Si se partirent[2]
Au chief d’huit jours et dou roy congié prirent,[3]
Ou tant orent trouvé d’onneur qu’il dirent[4]
Qu’ains si bon roy ne si gentil ne virent.[5]
2044 Mais compaingnie
Leur fist Honneur ; aussi fist Courtoisie,
Juenesse, Amour, Richesse l’aaisie,[6][7]
Et meint autre que nommer ne say mie.
2048 Car il montèrent
Sus les chevaus et tant les convolèrent
Que chascun d’eaus en son hostel menèrent.[8]
Et puis au roy a Durbui retournèrent.
2052 Ci fineray
Ma matière, ne plus n’en rimeray ;[9]
Car autre part assez a rimer ay.[10][11]
Mais en la fin de ce livret feray[12]
2056 Que qui savoir
Vorra mon nom et mon seurnom de voir,[13]
Il le porra clerement percevoir
En darrein ver dou livrer et vëoir,[14]
2060 Mais qu’il dessamble
Les premières set sillabes d’ensamble[15]
Et les lettres d’autre guise rassamble,
- ↑ C bernois
- ↑ C Et
- ↑ E des .VIII. : P A .VIII. jours et au roy
- ↑ D damour
- ↑ A Queine ; PD Quonc ; J roys ; J gentilz
- ↑ C et si fist
- ↑ B1 et rich. ; C li aisiee ; EJ lenuoisie ; B la lie ; F la vie ; D et liesce la lie ; P leece lenuoisie
- ↑ D et en lostel ; J en leur h. ; P en leurs chastel
- ↑ MBD et plus ; J ne r.
- ↑ 2054 et 2055 intervertis dans D
- ↑ EP dautre part ; D assez en rimeray
- ↑ C cest ; BD liure
- ↑ P pour voir
- ↑ CBEJ Ou ; D V ; P Au derrenier ; E dcrrenier ; ver manque dans P ; M liure
- ↑ P s’arrête ici ; E premiers ; E desamble.
