Car les batailles et les guerres
Furent si grans par toutes terres,[1]
Qu’on ne savoit en tout le monde,[2]
Tant comme il tient a la rëonde,[3]
Païs, regne, ne region,
Qu’il n’i eüst discention ;[4]
Dont cinc cent mil hommes et femmes[5]
Perdirent les corps et les ames,[6]
Se cils qui a tous biens s’acorde[7]
Ne les prent a misericorde ;[8]
Et maint païs destruit en furent,
Dont encor les traces en durent ;[9]
Et des prises et des outrages
Et des occisions sauvages
De barons et de chevaliers,
De clers, de bourgois, d’escuiers,
Et de la povre gent menue
Qui morte y fu et confondue,
De rois, de duz, de bers, de contes[10]
Seroit lons a dire li contes.[11]
Car tant en y ot de perdus[12]
Qu’on en estoit tous esperdus,[13]
L’un par feu, l’autre par bataille.
Après ce, vint une merdaille
Fausse, traïtre et renoïe :[14]
Ce fu Judée la honnie,[15]
La mauvaise, la desloyal,[16]
Qui bien het et aimme tout mal.[17]
Qui tant donna d’or et d’argent
Page:Machaut - Œuvres, éd. Hœpffner, I.djvu/240
Apparence
Le texte de cette page a été corrigé et est conforme au fac-similé.