Lors fui hors d’esmay et d’effroy,[1]
Se montay seur mon palefroy
Grisart qui portoit l’ambleüre
Moult souëf et de sa nature.[2]
S’alay aus chans isnellement
Chevauchier par esbatement,[3]
Pour moy jouer et soulacier
Et la douceur a moy lacier[4]
Qui vient de pais et de deduit,[5]
Ou cuers volentiers se deduit[6]
Qui n’a cure de cusançon[7]
Qui touche a noise, n’a tenson,[8]
Mais bien vorroit cusançonner[9]
Ad ce qui puet honneur donner.
En celle cusançon estoie[10]
Pour honneur a quoy je tendoie.[11]
Cusançon avoie et desir
Que je peüsse, a mon loisir.[12]
Aucuns lievres a point sousprendre,[13]
Par quoy je les peüsse prendre.[14]
Or porroit aucuns enquester[15]
Se c’est honneur de levreter.[16]
A ce point ci responderoie[17]
Que c’est honneur, solas et joie ;
C’est uns fais que noblesse prise,
Qui est de gracïeuse emprise.
Et trés honneste a commencier,
Dont il s’en fait bel avancier ;
S’est en faisant plaisans a faire,[18]
- ↑ D fu h. dennoy et deffray
- ↑ M souez
- ↑ M pour
- ↑ E laissier
- ↑ E et deduit
- ↑ D Qui ammoneste tout delit
- ↑ D Et
- ↑ D et a t.
- ↑ D verroit ensensonner
- ↑ D entencion nestoie ; M ou jestoie
- ↑ D Fors pour h. ; je manque dans D
- ↑ E je pese
- ↑ E liures
- ↑ E les pense
- ↑ D Ou
- ↑ D Se nest ; E leurester
- ↑ FE respondroie ; D je respondroie
- ↑ D Cest; M affaire.