« Guillaume, moult bel respondez.[1]
Mais un bien petit m’entendez.
Levez vous, car il plaist a nous[2]
1396Que plus ne parlez a genous.
Et se plus ci après parlez,
Parlez einsi, com vous volez,[3]
Ou en sëant, ou en estant,
1400Car il nous souffist bien a tant. »
Lors me levay hastivement
Pour faire son commandement,
Quant elle ot sa parole dite ;[4]
1404Et puis tout droit a l’opposite
De li m’en alay assëoir,[5]
Pour li en la face vëoir.
Car qui voit personne en la face
1408Qui de parler doit avoir grace,[6]
Le parler trop mieus en entent[7]
A quel fin sa parole tent.[8]
Lors prist la dame une maniere
1412Able, diligent et maniere[9]
De parler par si bel devis[10]
Qu’il estoit a chascun avis
Qu’elle veïst tout en escript
1416Ce qu’elle disoit et descript.[11]
Dont mieus diter nuls ne porroit,[12]
Nès que ses parlers atiroit.[13]
Elle ordena son parlement[14]
