Qui vous en font doloir et pleindre,
Et aussi pour Guillaume ateindre[1]
En son tort, se tort doit avoir ;
Autrement ne le puis savoir. »[2]
« Sire, ceste raison me plait.
Dès qu’entamé en avons plait,[3]
Mon fait moustreray par figure[4]
Selonc les ouevres de Nature,
Tout pour Guillaume qui se tort
De vérité dont il a tort.
Vous savez que la turterelle,[5]
Qui est faitice, gente et belle,
Cointe, gaie, douce et jolie,[6]
Tant com ses males est en vie.[7]
Et s’il avient qu’elle le pert
Par mort, on scet tout en appert[8]
Que jamais joie n’avera,
Et par signes le moustrera.[9]
Tant est li siens cuers pleins d’ardeur,
Jamais ne serra sus verdeur ;[10]
Eins quiert tout adès obscurtez,[11]
Divers lieus et pleins de durtez,
Aubres sès, verseinnes et trieges ;[12]
En tels lieus est souvent ses sieges,[13]
Quant elle se vuet reposer.
Autrement ne vuet disposer
Son cuer qu’en vie dolereuse,
Tant est de son male grieteuse.[14]
- ↑ D attendre
- ↑ manque dans D
- ↑ F enterme ; E entermes
- ↑ E mousteray
- ↑ manque dans F
- ↑ D douce gaie
- ↑ B ces
- ↑ FMBDE ou soit ; B’ corrige en scet
- ↑ F moustera ; E monsterra
- ↑ B sera ; M saserra
- ↑ tout manque dans D
- ↑ B verseingnes ; D versenges ; E nesainnes ; DE tierges
- ↑ DE tel lieu
- ↑ D mal ; F regrieteuse ; BDE regreteuse.