Quant a conseil se furent mis,
Li juges dist : « Je suis commis
A estre bons[1]juges fïables[2],
Aus deus parties amïables
Justement[3] a point, sans cliner[4].
Si doy[5] moult bien examiner
Trestout le fait par ordenence
Qui appert en vostre[6] audience,
Afin que loiaument en juge.
Einsi doivent faire bon juge.
Et vous vous[7] devez travillier
De moy loiaument consillier.
S’en die chascuns son plaisir,
Tandis com nous[8] avons loisir. »[9]
Dont[10] Avis dist tantost après[11],
Qui fu de Congnoissance près :
« Avis sui qui doy bien viser
Comment je vous puisse aviser.
Car on puet faire trop envis[12]
Bon[13] jugement sans bon avis.
« Je vous avis que bien faciez
Et que[14] le contraire effaciez[15].
S’il vient[16] par devant vostre face,
Afin que point ne se parface,
En avisant seur quatre choses
Qui ne sont mie si[17] encloses
Qu’on ne les puist assez vëoir,
Qui un po s’en vuet pourvëoir :
- ↑ D vo
- ↑ F finables ; E vos juges feables
- ↑ D Jugement
- ↑ D cheir
- ↑ E Si vous doy
- ↑ A nostre
- ↑ l’un des deux vous manque dans D ; F vous nous ; E nous nous
- ↑ AB Toudis com non ; D que nous
- ↑ Après ce vers on lit dans D Auis
- ↑ Dont manque dans D
- ↑ D en apres
- ↑ D bien enuis
- ↑ DE Son
- ↑ que manque dans D
- ↑ E affacies
- ↑ A Si bien ; F Si vien
- ↑ FD ci