Et de trés bonne conscience
A un sien deciple enseingne[1]
Et li monstre de moy l’enseingne,
Disant : « Amis, je te chastoy[2] :
Se tu ne mès Mesure en toy,
Elle s’i mettra maugré tien[3].
Ceste parole bien retien.
S’elle s’i met, tu és peris[4] ;
Se tu l’i mes, tu és garis. »
Or vueil passer les poins tout outre
Qu’Avis et[5] Congnoissance moustre.
Il ont servi courtoisement
De leur bon conseil largement,
Si comme on[6] sert a un mengier,
Sans rien d’especïal jugier[7] ;
Et de ce qu’il ont bien servi,
Dont il ont grace desservi,
J’en vorray l’escot[8] assener,
Et a chascun son droit donner.
Guillaumes qui en ses affaires
Soloit estre si débonnaires,
Si honnestes et si courtois,
Enclins aus[9] amoureus chastois,
A attenté[10] contre Franchise,
Et tout de sa premiere assise,
Quant ma dame a point l’aprocha
Dou fait qu’elle li reprocha,
Et il s’en senti aprochiez
A juste cause et reprochiez.
Il ala avant par rigueur,
Et se mist toute sa vigueur
Page:Machaut - Œuvres, éd. Hœpffner, I.djvu/356
Apparence
Le texte de cette page a été corrigé et est conforme au fac-similé.