Page:Machaut - Œuvres, éd. Hœpffner, II.djvu/141

La bibliothèque libre.
Cette page n’a pas encore été corrigée

REMEDE DE FORTUNE 6l

Ymaginer, dire, ou penser,

Qui croissent en li sans cesser,

Et qu'elle est des vertus parée, 1680 Et de tous vices séparée,

Qu'il couvient de neccessité

Qu'en li soit Franchise et Pité,

Humblesse et Charité, s'amie ; 1684 Et pour ce tu ne te dois mie

Einsi mettre a desconfiture,

Car Pitez est dessus droiture,

Qui jamais ne porroit souffrir 1688 Toy vëoir a la mort offrir

Pour amer, c'est chose certeinne,

Ne Franchise qui moult procheinne

Est de Charité et d'Umblesse. 1692 Et se tu dis qu'Amours te blesse,

Tu vues ressambler a celui

Qui ne se loe de nelui,

Eins se tourmente et se courresse., 1696 Quant sa besongne bien adresse.

Et certes, tu li fais injure

De dire a li qu'elle t'est dure,

Et c'est péchiez d'ingratitude 1700 Et manière mauvaise et rude.

N'as tu mie dit en ton lay —

Si as, se bien retenu l'ay —

Qu'Amours, que tu en supplioies, 1704 A ta dame que tu amoies

Porroit bien dire ton martyre,

Car tu ne li savoies dire ?

1679 E de vertu — 1682 J Que li— 1687 KJQue;E pourra — 1688 KJ souffrir — iGg3 KJ Tu me ressembles; E rassambler — 1694 K ce; EKJ nului ; B' nulli — 1695 K ce t.; se (devant cour- resse) manque dans KJ ; E se retourne — 1696 B' a bien; KJ sadresse — 1702 K ce — 1703 E supploies; C supplioiez — 1704 C amoiez.

�� �