« Qui fu tantoſt après Abel,[1]
« Et Tubal ; cil .ii. furent frere,
« Iſſu d’un pere & d’une mere.
« Jabel trouva les panetieres
« Que portent bergiers & bergieres,
« Et la guiſe d’euls hesbergier,
« Et tout ce qu’il faut à bergier ;
« Et premiers les beſtes ſevra,
« Et ſelon leurs genres ouvra.
« Tubal trouva l’art de muſique,
« Tubtaÿn trouva la fabrique ;[2]
« Mais Tubal au ſon des martiaus
« Fiſt tons & ſons & chans nouviaus,
« Et notes, & les ordenances
« De muſique & les concordances.
« Et s’aucuns y ont amendé,
« Je ne leur ay pas commandé.[3]
« Et Noéma trouva le tiſtre[4]
« Et le filer, car, à ſon titre,
« On fait linges & draperies,
« Et les belles toiles delies.
« Chus, li fils Chan fils de Noé
« Qui premiers en l’arche a noé,
« Fuſt cils qui trouva la ſcience
« Que l’en appelle nigromance,
« Et fiſt une ymage fondiſe,
« Par tel manière & par tel guiſe
« Que l’ymage li reſpondoit
Page:Machaut - Le Voir Dit, 1875.djvu/283
Le texte de cette page a été corrigé et est conforme au fac-similé.
[vers 5371]
229
DU VOIR-DIT.
![](http://upload.wikimedia.org/wikipedia/commons/thumb/c/c8/Machaut_-_Le_Voir_Dit%2C_1875.djvu/page283-1024px-Machaut_-_Le_Voir_Dit%2C_1875.djvu.jpg)