lere, Aronce eſt Fils du plus illuſtre Prince de toute l’Etrurie : & du plus malheureux Roy de la Terre, puis que le Roy Porſenna eſt ſon Pere. Eh de grace (reprit la Princeſſe des Leontins) s’il eſt en voſtre pouuoir de m’aprendre les auantures de Porſenna, auſſi bien que celles d’Aronce, ne m’en cachez rien s’il vous plaiſt : car encore qu’il y ait deſia quelque temps que ie ſois en ce Païs, ie ne les ſçay que fort confuſément : parce que i’ay tant eu de choſes fâcheuſes qui m’ont occupé l’eſprit, que ie n’ay pas eu la curioſité de m’informer des malheurs des autres, en vne ſaiſon où ie n’auois pas la force de ſuporter conſtamment les miens.
Puis que vous me l’ordonnez Madame, reprit Celere, & que ce que vous ſouhaitez de moy eſt meſme ſi neceſſaire à vous bien inſtruire du pitoyable eſtat où ſe trouue le Prin-
