Cluſium luy obeïroit bien toſt : car il ſçeut dés le lendemain que le Pere de Porſenna eſtoit mort, & que les Grands de ſon Royaume eſtoient diuiſez. Il eut meſme le bonheur qu’encore que le Peuple de Perouſe aimaſt fort Galerite & Porſenna, il ne ſe ſouleua point : parce que Bianor aporta vn ſi grand ſoin à faire publier cent choſes deſauantageuſes à ces deux illuſtres Perſonnes ; que ne pouuant pas d’abord démeſler la verité d’auec le menſonge, il ne s’opoſa point à l’iniuſtice de Mezence : qui peu de iours apres eſpousa Sextilie : dans l’eſperance d’auoir bien toſt vn Succeſſeur, qui oſteroit à Galerite, celle de pouuoir vn iour regner à ſa place. Mais pour ne ſonger pas moins à ſatiſfaire ſon ambition que ſa vangeance, il promit protection à vn des Partis qui ſe formoient dans Cluſium : afin de taſcher d’opprimer
