plus agreable & le plus accomply, qui prit Aronce en vne ſi grande amitié, qu’on peut dire qu’Amilcar n’eſtoit pas plus aimé du Prince de Carthage, qu’Aronce l’eſtoit d’Amilcar. Si bien que ce ieune Prince ayant pris la reſolution de voyager inconnu, Amilcar voulut qu’Aronce fuſt de ce voyage : de ſorte que du conſentement de Clelius & de Sulpicie, Aronce ayant alors ſeize ans, & la ieune Clelie douze, il partit auec le Prince de Carthage & Amilcar pour aller voir toute la Grece. Mais ce qu’il y eut de remarquable fut qu’à leur retour, la tépeſte les ayant iettez en Sicile, au lieu de retourner à Carthage, cóme ils en auoient eu intention, ils prirent la reſolution d’aller voir Rome : & d’aller meſme à vne grande partie des principales Villes de la Toſcane. Et en effet, ils executerent leur deſſein : de ſorte que comme ces deux voyages
