que ie ne vous l’ay point encore dit. Mais enfin cruelle Clelie, puis que vous ne me voulez pas enſeigner à vous le dire mieux, ie vous le dis auiourd’huy : & ie vous le dis auec la reſolution de vous le dire toutes les fois que i’en trouueray l’occaſion : & auec la reſolution auſſi de la chercher tres ſoigneuſement. I’aporteray vn ſoin ſi particulier à eſuiter de me trouuer aupres de vous, repliqua Clelie, que s’il eſt vray que vous m’aimiez, vous vous repentirez plus d’vne fois de me l’auoir dit. Il y a ſi long temps que ie me repens de ne vous auoir pas deſcouuert mon amour plus toſt, reprit le Prince de Numidie, que i’ay peine à croire que ie me puiſſe iamais repentir de vous auoir dit que ie vous aime : car enfin vous ne me pouuez faire entendre rien de ſi fâcheux, où ie ne me ſois preparé : ie vous demande pourtant la grace,
