trauers du corps & apres l’auoir veû tomber mort, il fut du coſté qu’il auoit entendu la voix de Clelie : & il arriua ſi heureuſement aupres d’elle, qu’il l’empeſcha d’eſtre iettée dans la Mer, en donnant la mort à celuy qui vouloit faire cette barbare action. Il eſt vray qu’Horace le ſuiuit de bien prés : mais apres tout, ce fut veritablement Aronce qui ſauua la vie à cette admirable Fille, & à ſa vertueuſe Mere. Auſſi en eſchange, Horace la ſauua à Aronce, en tuant vn homme qui alloit le tuer par derriere. Cependant comme la mort du Capitaine des Corſaires auoit abatu le cœur de tous les autres, & que la pluſpart des noſtres nous auoient enfin ſuiuis, & auoient combatu fort vaillamment ; ces Pirates ſe virent bientoſt contraints de rendre les Armes, & de receuoir les Chaiſnes qu’ils nous auoient voulu donner.
