y auoit trop de monde. En vn autre lieu : il y eut vn homme qui dit, qu’il ne faloit plus la nommer Clelie ; mais ſeulement la belle Romaine : chez vne Dame qui eſtoit fort brune, il y eut vn de ſes Galans, qui ne laiſſa pas de loüer hautement la beauté de Clelie, quoy qu’elle ſoit blonde : en vn autre endroit, nous trouuaſmes vne fille, qui voulant y trouuer quelque choſe à redire, dit qu’elle la trouuoit trop blanche : & ie puis enfin vous aſſurer, que durát quatre ou cinq iours, nous ne fuſmes en aucun lieu, où l’on ne nous parlaſt de Clelie : & nous fuſmes pourtant par tout où les honneſtes Gens pouuoient aller. Mais à la derniere Maiſon où nous fuſmes (le dernier iour qu’Aronce auoit deſtiné à ces viſites où nous ne ſçauions pas bien ce que nous cherchions) il ſe trouua vne Dame qui acheua de faire connoiſtre à cét
