qui la Nature, a refuſé toutes les graces ordinaires de ſon ſexe ; à qui le Temps a oſté la ieuneſſe ; & à qui la Fortune n’a pas fait de grandes faueurs ; peut s’eſtre renduë ſi conſiderable, & s’eſtre tant fait aimer, & tant fait deſirer ? & ie vous reſpondray que c’eſt par vne grande bonté, & par vn grand eſprit naturel : qui eſtans ioints à vne longue experience du monde, & à vne agreable humeur, font que ſans ſe ſoucier de rien, elle diuertit tous ceux qui la pratiquent. Car comme elle eſt ſans ambitions ; qu’elle a le cœur noble, & grand ; qu’elle ne ſçait point flatter ; qu’elle n’eſt intereſſée de nulle maniere ; qu’elle voit clairement les choſes ; qu’elle les raconte plaiſamment ; & qu’elle ſçait tout ce qui ſe paſſe dans Capouë ; il n’y a perſonne qui ne la deſire : & dés qu’il arriue quelque auanture remarquable, il n’y a point
