elle voit les foibleſſes des autres, ſans y rien contribuer : & ſans eſtre iamais la Confidente de nulle amour, elle ſçait pourtant toutes les amours de la Ville. Elle blaſme les Coquettes ; elle ne flatte point les Galans ; elle dit agreablement ſon aduis de celles qui font les Belles quand elles ne le peuuent plus eſtre ; elle taſche de mettre la Paix dans les Familles ; elle eſt bien auec tous les Maris, & auec toutes les Meres & ſans faire iamais rien que ce qu’elle croit deuoir faire, elle plaiſt pourtant à des Gens qui ſont oppoſez en toutes choſes. Mais ce qu’elle a de meilleur, c’eſt qu’elle eſt bonne Amie, qu’elle eſt officieuſe, & franche, & que toute la grandeur de la Terre, ne luy feroit pas changer d’aduis quand elle croit auoir raiſon : & à la vouloir définir en peu de mots, on peut dire qu’Arricidie eſt la Morale viuante :
