naufrage ; & la reſolution qu’ils auoient priſe de s’en aller à Siracuſe, & de ne mander point alors aux Amis de Porſenna, que l’Enfant qu’on leur auoit confié auoit pery ? tant parce qu’ils ne ſçauoient pas poſitiuement qu’il fuſt mort, que parce qu’ils n’oſoient le dire, & parce qu’ils penſoient que cela abatroit le cœur des Amis de Porſenna & de Galerite. Mais comment eſt-il poſſible, dis-ie alors à Nicius & à Martia, que les Amis de Porſenna & de Galerite, n’ayent point trouué eſtrange que cét Enfant ne paruſt point depuis vn ſi long temps ; & comment a-t’on pû cacher depuis tant d’années, que vous ne ſçauiez où il eſtoit ? La choſe a eſté aſſez aiſée, repliqua Nicius : car il faut que vous ſachiez qu’ayant durant vn an caché fort ſoigneuſement la perte de ce ieune Prince, les Amis de Porſenna faiſant vne Ligue
