particulier, ſi vous eſtiez incommodé au lieu où vous eſtes, on vous donneroit vn autre Apartement, quand meſme il faudroit deſloger cét autre Eſtranger que les Dieux ont conduit icy pour y eſtre ſecouru auſſi bien que vous. Quoy Madame, reprit bruſquement Aronce, il eſt arriué icy quelque autre malheureux que moy ? ouy genereux Inconnu, reprit Aurelie, & il eſt meſme plus malheureux que vous, car il eſt plus bleſſé que vous ne l’eſtes. Ha Madame, reprit Aronce, il peut eſtre plus bleſſé que ie ne ſuis, mais il ne ſçauroit eſtre ſi malheureux ! Comme Aronce diſoit cela, Celere rentra dans ſa Chambre, pour luy aprendre que le Prince de Numidie eſtoit dans ce Chaſteau : & qu’il auoit ſçeu par vn des ſiens qu’il auoit eſté bleſſé en combatant contre Horace, qui enleuoit Clelie. Eh de grace Madame (s’eſcria alors Aronce, en
