choſe à voſtre diſcretion, & à celle de la genereuſe Aurelie. Apres cela Sicanus, Martia, & Nicius, laiſſerent Aronce entre les mains de ſes Chirurgiens, qui vinrent alors pour le penſer. D’autre part le Prince de Numidie qui aimoit effectiuement Aronce, & pour ſon grand merite qu’il connoiſſoit bien, & parce qu’il le regardoit comme vn Frere adoptif de Clelie, dont il eſtoit amoureux, enuoyoit continuellement ſçauoir de ſes nouvelles : & il luy fit meſme propoſer par vn ſentiment d’amitié, de faire mettre ſon lit dans ſa Chambre, afin d’auoir la conſolation de l’entretenir ſans l’incommoder : mais Aronce s’en deffendit ſur le pretexte de ne vouloir pas l’importuner, quoy que ce fuſt par un ſentiment ialoux, dont il ne pouuoit eſtre le Maiſtre. Cependant Sicanus ayant fait ſçauoir à la Princeſſe des Leontins, qu’Aronce
