en ſauuant la vie du Prince de Perouſe, i’ay ſçeu auſſi que le Prince de Numidie, en auoit fait vne fort genereuſe, en combatant ſur ce Lac contre vn homme qui enleuoit vne Fille de qualité. Ils ſont meſme tous deux bleſſez ; on m’a dit qu’ils ont tous deux beaucoup d’eſprit ; il me ſont eſgallement Eſtrangers, & eſgallement Inconnus : & on croit meſme qu’ils ſont tous deux malheureux, parce qu’ils paroiſſent tous deux fort melancoliques. Ainſi s’il y a quelque difference entre eux dans mon eſprit, c’eſt que ie ſçay qu’Adherbal eſt Prince, & que ie ne ſçay point la naiſſance d’Aronce. Cependant ie n’ay eu nulle intention d’aller voir le Prince de Numidie : & i’ay vne impatience eſtrange d’aller voir Aronce : & ie ſuis tellement preoccupée en ſa faueur, que ie ne doute
