qu’il a faite toute ſa vie ne doit ſçauoir : mais il ſçait en homme de grande qualité, & en homme qui ſçait le monde. Pour du cœur, Aronce en a autant qu’on en peut auoir : mais i’entens de ce cœur qui rend le Lion digne d’eſtre nommé le Roy des Animaux ; c’eſt à dire de celuy qui pardonne aux foibles, & qui tient autant de la generoſité, que de ce qu’on apelle preciſément courage & valeur. De plus, Aronce a l’ame tendre, & le cœur ſenſible : il aime ſes Amis comme luy meſme ; il les ſert auec ardeur ; il croit que la probité doit eſtre dans le cœur de tous les hommes ; & que les Princes ne doiuent point ſe diſpenſer d’auoir toutes les vertus des particuliers, quoy qu’ils ſoient obligez d’en auoir d’autres qui leur ſont particulieres. Il a de la douceur, de la bonté, & vn charme inexpliquable dans ſa con-
