ctiuement la choſe s’executa de cette ſorte quinze iours apres. Mais deuant que de l’executer, Bellanire & Damo s’eſcriuirent encore auec autant de galanterie que d’amitié : ſi bien que lors qu’elles ſe virent, Brutus ſe trouua deſia tout eſtably dans l’eſprit de Bellanire, qui le receut admirablement ; & qui auoüa ſincerement à Damo qu’elle euſt eu tort de luy refuſer ſon amitié. Mais comme cette nouuelle Amie qu’elle auoit, n’eſtoit pas alors à Crotone, & qu’elle y deuoit reuenir dans quatre iours, ces deux aimables Perſonnes firent deſſein de faire vne innocente tromperie à la charmante Chryſis, car c’eſt ainſi que s’appelloit cette belle fille. Pour cet effet Damo qui n’ignoroit pas que Brutus ſçauoit auſſi bien cacher ſon eſprit que le montrer, quand la fantaiſie luy en prenoit, dit à Bellanire qu’il fal-
