3
Qu'vn Ange ait touiours la main preste
Pour détourner de vous le mal,
Et que le feu de Cardinal
Flambe bien-tost sur vostre teste:
Ia la Crosse emplit vostre main,
Que la Croix l'emplisse demain ;
Ne souffrez pas qu'un grand domaine
Vous enrichisse en ces quartiers,
Il faut que la pourpre Romaine
Vous mette au nombre des portiers.
Ce Prince est fils du dieu des armes,
Et frere du pere des loix,
L'eloquence anime sa voix,
Et son visage a tant de charmes,
Que ie ne vous abuse pas
Quand ie iure sur tant d'apas,
Qu'il est l'ornement de la France,
Et qu'ayant la Mythre de Mets,
Il peut bien auoir l'esperance
Du bon-heur que ie luy promets.
Son front porte l'heureux presage
Que mes vœux auront leur effet,
Puis qu'en luy c'est le moins parfait
Que la beauté de son visage:
Pour mettre vn esprit en ce corps,
A ij
Page:Marbeuf - Recueil de Vers, 1897.djvu/17
Cette page n’a pas encore été corrigée
![](http://upload.wikimedia.org/wikipedia/commons/thumb/c/c1/Marbeuf_-_Recueil_de_Vers%2C_1897.djvu/page17-1024px-Marbeuf_-_Recueil_de_Vers%2C_1897.djvu.jpg)