Page:Marbeuf - Recueil de Vers, 1897.djvu/24

Car son crime est si beau, que le plus rigoureux
Aussi-tost qu'il le voit en deuient amoureux.
  Alors vous iugerez que par sa violence
Il est le seul auteur de mon ingrat silence,
Et vous verreé mon cœur qu'il a perçé de coups,
Indigné qu’il estoit que i’ay parlé de vous,
Et que le braue effort d'vne ame genereuse,
Me faisant mépriser la puissance amoureuse,
Armoit contre les traits de ce petit archer
Mon sensible estomach d'vn rampart de rocher,
Qui percé par l’assaut d’vne diuine force,
N’a resisté non plus qu’vne legere écorce.
  Ainsi l’Amour tout nud me vainquit tout armé,
Ainfi par un beau corps mon esprit fut charmé,
Et de cet enchanteur si forts furent les charmes,
Que ie me dépoüillay pour combatre sans armes:
Mais puisque maintenant mon cœur s’eut reuêtu
De celles que m’offroit autresfois la vertu,
Ie combatray celuy dont heureuse est l’offence,
Qui fait que ie l’accuse en fi belle audience.
   Vingt ans estoient passpé que i’auoy veu le iour,
Et vêcu bien heureux en viuant sans amour ,
Quand vn Ieudy de May mon ame fut saisie
Du reflus inconstant de cette frenaisie,
Et qu’vn mauuais démon m’osta le nom d'heureux,
Qu’il me fit échanger à celuy d’amoureux.
   Vn Saturne réueur noircissant ma pensée