de cela, fut le iour fatal auquel l’Empereur Demetrius Iohannes fut inhumainement assassiné, et comme l’on tient mil sept cens et cinq Polonnois massacrez, leurs logis estans fort esloignez les vns des autres, Vacilei Iuaneuits Choutsqui estant chef des conspirateurs, Pietre Federuits Basmanof fut tué en vne gallerie tout contre le quartier de l’Empereur, et receut le premier coup de Michale Tatichof, duquel il auoit procuré la liberté non trop longtemps auparavant, et quelques Archers de ses gardes du corps tuez ; l’Imperatrice espouse dudit Empereur Demetrius fut constituée prisonniere auec son pere, frere et beau-frere et tous autres qui eschapperent la furie du peuple, chacun en maison à part : Le deffunct Demetrius fut trainé mort et nud deuant le monastere de l’Imperatrice sa mere, iusques sur la place publique, où ledit Vacilius Choutsqui deuoit auoir eu la teste tranchée, et fut ledit Demetrius mis sur vne table d’enuiron vne aulne de longueur, la teste pendante d’vn costé et les iambes de l’autre, et ledit Pietre Basmanof couché sous ladite table, lesquels demeurerent en spectacle à vn chacun iusques au troisiesme iour que ledit chef de la conspiration Vacilei Iuaneuits Choutsqui, lequel est celuy duquel auons tant parlé, fut esleu Empereur. (Combien que ce n’est pas vn Royaume qui va par eslection, ains par succession, mais d’autant que Demetrius estoit le dernier de cette maison, et ne restoit nuls qui fussent du Sang, fust ledit Choutsqui eleu par ses brigues, et mené comme auoit fait Boris Federuits, apres la mort de Theodore, comme
