Cette page a été validée par deux contributeurs.
.jpg)
L’HEPTAMÉRON
D E S N O U V E L L E S
DE
LA ROINE DE NAVARRE
PROLOGUE
.jpg)
e premier jour de septembre que les baings
des Montz Pirénées commencent d’entrer
en leur vertu, se trouvèrent à ceulx de
Cauderès plusieurs personnes, tant de
France que d’Espaigne, les ungs pour y boire de
l’eaue, les autres pour se y baigner & les autres pour
prendre de la fange, qui sont choses si merveilleuses
que les malades habandonnez des Médecins s’en
retournent tout guariz. Ma fin n’est de vous déclarer
la scituation ne la vertu desdits baings, mais seullement
de racompter ce qui sert à la matière que je
veulx escripre.
En ces baings là demeurèrent plus de trois sepmaines tous les mallades jusques ad ce que, par leur amendement, ilz congnurent qu’ilz s’en pouvoient retourner ;
