Cette page a été validée par deux contributeurs.
QUARANTE QUATRIESME NOUVELLE
Pour n’avoir dissimulé la vérité, le Seigneur de Sédan doubla l’aumône à un Cordelier, qui eut deux pourceaux pour un.
.jpg)
n la Maison de Sédan arriva ung Cordelier
pour demander à Madame de Sédan,
qui estoit de la Maison de Crouy, ung
pourceau que tous les ans elle leur donnoyt
pour aulmosne.
Monseigneur de Sédan, qui estoit homme saige & parlant plaisamment, feit manger ce beau Père à sa table &, entre autres propos, luy dist pour le mectre aux champs : « Beau Père, vous faictes bien de faire vos questes tandis qu’on ne vous congnoist poinct, car j’ay grand paour que, si une fois vostre ypocrisie est descouverte, vous n’aurez plus le pain des pauvres enfans acquis par la sueur des pères. »
Le Cordelier ne s’estonna poinct de ces propos,
