Le texte de cette page a été corrigé et est conforme au fac-similé.
91
L’INQUISITEUR
Nul n’aura le bien desirable
S’il n’est tel qu’un enfant d’un an[1];
Le Varlet.
Mais bien plus, qui n’est né d’en hault
Par une naissance nouvelle,
Au Ciel ne peult faire le sault ;
Cette doctrine m’est bien belle.
L’Inquisiteur.
Moy, qui suis vieillard devenu,
Puis je renaistre de nouveau[2] ?
Le Varlet.
Non, vous n’y estes pas tenu,
Mais il fault changer chair & peau.
L’Inquisiteur.
Comment ?
Le Varlet.
Si le voullez savoir,
Aux enfans l’allez demander ;
L’Inquisiteur.
Enfans, faictes moy ce poinct veoir ;
Prier vous viens, sans commander.
Les Enfans.
Hon ! hon !
- ↑ « Quicumque non acceperit regnum Dei sicut puer, non intrabit in illum. » Luce XVIII, 17. — M.
- ↑ Respondit Jesns : « Nisi quis renatus fuerit, denuo non potest viders regnum Dei… Dixit ei Nicodemus : Quomodo potest bomo nasci, cum sit senex… — Respondit Jesus : « Nisi quis renatus fuerit ex aqua & Spiritu sancto, non potest intrare regnum Dei. Non mireris quia dixi tibi : Oportet vos nasci denno. » Johannis III, 3, 4, 7. — M.