Le texte de cette page a été corrigé et est conforme au fac-similé.
99
L’INQUISITEUR
Son ame vivante,
Tant l’as assouvye,
Que de riens envye
N’a, mais est contante ;
En toy est fondue
Et morte & perdue
Par abjection ;
Quant riens l’as rendue,
A toy l’as reçeue
Par dillection.
Le servant comme homme,
J’ay perdu mainct somme
Et mainct bon repas,
Mais, le voyant comme
Dieu, plus je n’assomme[1]
Mes labeurs & pas.
Prins le[2] voy aux laz
Par le doulx appastz
D’Escripture saincte ;
Poinct ne seray las
De suyvre hault & bas,
Le servant sans faincte.
Janot.
O Dieu éternel,
Ce jour solempnel
Doit bien estre à tous,
Quant l’homme cruel