Le texte de cette page a été corrigé et est conforme au fac-similé.
102
L’INQUISITEUR
Dont je suis esblouy
Et mon cœur resjouy.
Le rayon pur & munde,
Que tu as envoyé
Affin que ce bas Monde
Ne fût plus desvoyé,
Et son lustre obscurcy
En sera esclarcy ;
Ta clarté préparée,
Qui de loing reluyra,
A la gent esgarée
Partout esclairera,
Et ton peuple affoibly
Sera lors anobly.
L’Inquisiteur.
Enfans, puisque m’avez gaigné,
Avecques vous m’en veulx aller.
Janot.
Ne serez vous poinct desdaignė
D’apprandre par nous à parler ?
L’Inquisiteur.
Non, mais j’estime à grant honneur,
Enfanz & euvres, de vous suyvre ;
Puis qu’ainsi plaist au grant Seigneur,
Je veulx en innocence vivre.
Perrot.
Venez, & vous nous mènerons
Dedans nostre maison de paix ;