Le texte de cette page a été corrigé et est conforme au fac-similé.
137
PEU ET MOINS
Pleins d’honneurs & biens à planté,
Et semblez estre en grand’ santé
De voir vostre face & couleur.
Trop.
Il ne voit pas nostre douleur,
Ny où nostre soullier nous mache.
Moins.
Le veau qui est dedens la vache
Ne se veoid, s’il n’est mis dehors.
Prou.
Nous ne povons par nulz effors
Nos grandes oreilles cacher.
Peu.
Cela ne vous doit point fascher,
Car plus grandes vous les avez
Et bien plus sçavoir vous devez
Que les aultres, ne faictes pas ?
Trop.
Mydas, Mydas, Mydas, Mydas[1],
Voz tristesses sont nompareilles.
Moins.
Vous font elles mal, les oreilles
Qui vous font tant pleurer & plaindre ?
- ↑ C’est-à-dire : Nos oreilles. — M.
