Page:Marguerite de Navarre - L’Heptaméron, éd. Lincy & Montaiglon, tome IV.djvu/35

21

LE MALLADE

Le Médecin.

Le parler icy ne vault guères.
Entrons que je touche son poulx.

Icy touche le poulx, & le Mallade s’esveille.

Le Mallade.

Qui est cella^[1] ?

Le Médecin.

C’est moy, mon compère,
Qui viens pour santé vous donner.

Le Mallade.

Je ne vous voyois pas, mon Père ;
Plaise vous le me pardonner.
Las, je sens mon mal retourner
Que m’avoit ousté le dormir ;
En ung lieu ne puis séjourner ;
Il me faict suer & gémir.

Le Médecin.

Mon amy, nous vous guarirons^[2] ;
Nous n’aurons plus guères de mal.
Avez vous mangé potirons
Prins auprès de fer ou métal ?
Va poinct trop dur vostre cheval ?
Avez vous prins froict ou bruyne ?
Ça, baillez moy cest^[3] urinal

1. Prononcez avec l’élision : Qu’est cela ? — M.
2. Ms. : Guaresons. — M.
3. Ms. : Ceste. M.