Le texte de cette page a été corrigé et est conforme au fac-similé.
34
LE MALLADE
Quant vous vouldrez, si me mandez ;
À venir seray dilligent.
Santé avez, que prétendez,
Et moy j’en emporte l’argent.
Le Mallade.
Vrayement, il a bien besongné
De ressusciter ung vivant.
La Femme.
Si a il le ducat gaigné
Pour escripre en homme sçavant.
Le Mallade.
M’amye, ce n’est plus vent
De toute humaine opinion ;
Plus ne veulx qu’estre observant
Le bien, dont Foy faict l’unyon.
Ma femme, ne voyez vous pas
Que l’homme veult que l’on l’adore,
Et comme parle[1] par compas
Ce Médecin que l’on honnore ?
Mais que les deux mains l’on luy dore,
Souvent reviendra en ce lieu ;
Mais je croy qu’il vouldroit encore
Que l’on creust en luy comme en Dieu.
Mais puisque, sans ung seul moyen,
Dieu m’a mis hors de tout danger,
- ↑ Ms. : Parlent. — M.