Le texte de cette page a été corrigé et est conforme au fac-similé.
77
L’INQUISITEUR
L’Inquisiteur.
Voylà ung beau contantement
De jouer au chasteau de noix[1] ;
Pérot.
C’est ung très bel esbatement,
Où rien de mal je n’y congnois.
L’Inquisiteur.
Le temps perdez — ne faictes poinct ? —
En chose à nully proufictable ;
Jacot.
Las, mais qu’il ne nous perde poinct,
Le passe-temps n’est louable.
L’Inquisiteur.
Enfans, il vous seroit bien myeulx
D’avoir de bien & mal science ;
Thierrot.
De mal, pour estre vicieulx ?
C’est bien pour perdre pascience.
L’Inquisiteur.
Vicieulx, je ne l’entendz pas,
Mais c’est pour acquérir vertu ;
Clèrot.
On l’acquiert ainsi par compas
Et par la reigle d’un festu ?
- ↑ De neige. C’est la vieille forme ; Watriquet a écrit un Dit de la nois. — M.
