Voyez ſes faictz, qui ne ſont point cachez
Tous pleins d honneur de nul vice tachez
Vous la verrez deſſus toutes paroiſtre.
¶ De ſes bienfaictz chacun luy rend louenge
Ilz ſont congneuz de tous les gens de bien
Pour ſes amys elle n’eſpargne rien
Et des meſchans ennemys ne ſe venge.
¶ Si on congnoiſt le nom par la fortune
De biens, d honneur, de richeſſe et faueur
Voyez qui ha de ſon maiſtre et ſeigneur
Ce qui luy plaiſt ſans luy eſtre importune.
¶ Mais tous les biens qu’elle en peult receuoir
Ne luy ſont riens, car ſeullement heureuſe
Se tient de veoir par amour vertueuſe
Tenir les cueurs vniz comme on peult veoir.
¶ Les cueurs du plus parfaict, et plus parfaicte
Que l’on peult veoir, en qui dieu et nature
Nont riens obmis de ce que creature
Page:Marguerite de Navarre - La Coche, 1542.pdf/88
Cette page a été validée par deux contributeurs.