Le texte de cette page a été corrigé et est conforme au fac-similé.
108
comedie.
La I. Fille.
Dames, aussi celuy mesmes vous gard !
En vous pensons regner mélancolie.
La II. Femme.
Et nous voulons sçavoir si de folie
Ou de vertus vous parlez en riant.
La II. Fille.
Mais nous voyant ainsi pleurant, cryant
Voudrions sçavoir si plus grand vostre riz
Est que l’ennuy, qui fait nos cœurs marriz.
La Vieille.
Le temps, qui fait et qui défait son œuvre,
M’a, cent ans ha, à son escolle prise.
Son grand tresor, qu’à peu de gens descœuvre,
M’a descouvert, dont je suis bien apprise.
Vingt ans aymay liberté, que l’on prise,
Sans point vouloir de serviteur avoir.
Vingt ans après, d’aymer feiz mon devoir ;
Mais un tout seul, pour qui seul j’estois une,
Me fut osté, maugré tout mon vouloir,
Dont soixante ans j’ay pleuré ma fortune.
