Page:Marie de France - Poésies, éd. Roquefort, I, 1820.djvu/102

86

LAI DE GUGEMER.

Se vus ne me vulez guarir,
Dunc m’estuet-il enfin morir ?
Jo vus requier de druerie,
Bele, ne m’escundisciez mie.
Quant ele l’at bien entendu,
Avenaument ad respundu510
Tut en riant li dit : Amis,
Cis cunsaus sereit trop hastis,
D’otrier vus ceste prière,
Jeo n’en sui mie acostumière.
Dame, fet-il, por Deu, merci ;
Ne vus ennoit se jel’ vus di.
Femme vilainne de mestier^[1],
Se deit fère longtans prier,
Pur sei cierir, que cil ne quit
Qu’ele eit usé itel déduit.520
Mès, la Dame de bon purpens,
Ki en sei at valurs et sens,
S’ele voit hum de sa manière,
Ne se ferat vers li trop fière,
Ainz l’amerat, s’en arat joie,
Ainz ke nul le sachet u l’oie,
Arunt-il mut de lur buns fait.
Duce Dame, finum cest plait^[2].
Ele set bien que veirs a dit^[3],
Se li otrie sanz nul respit530
L’amur de li è il la baise :
Desor est Gugemer à aise,

1. Per me l’alme del’ mestier
   Se deit lungeine faire preier.

2. Nous avons remplacé ce mot doux par cher ; bel ami par bon ami.

3. La Dame entent que veirs a dit.