Mut est preisiés en sun païs,
Mès mult esteit maz et pensis.
Femme voleient que il pressist,
E il forment s’en escundit ;
Jà ne prendra femme à nul jur,
Ne pur avoir, ne pur amur,
S’èle ne péust dépléier
Sa chemise sans dépescier.
Par Bretaine veit la novèle,
Ne remaint dame ne pucèle,
Ki ne viegne pur essaier,
Mais ne le peuvent despléier.
De la Dame vus voil mustrer
Que Gugemer pot tant amer,
Par le cunseil d’un sien Barun,
L’ad se Sires mise en prisun,
En une tur de marbre gris ;
Le jur ad mal è la nuit pis,
Nul hum ne vus porreit descrire[1],
Sa grant paine, ne le martire,
Ne l’anguisse, ne la dolur,
Que la Dame suffri en la tur[2].
Deus anz i fu è plus jeo quit,
Unc n’i ot joïe ne déduit ;
Sovent regrète sun ami.
Gugemer, sire, mar vus vi :
Mix voil hastivement murir,
Que lungement cest mal suffrir.
Page:Marie de France - Poésies, éd. Roquefort, I, 1820.djvu/112
Cette page a été validée par deux contributeurs.
96
LAI DE GUGEMER.
![](http://upload.wikimedia.org/wikipedia/commons/thumb/7/7c/Marie_de_France_-_Po%C3%A9sies%2C_%C3%A9d._Roquefort%2C_I%2C_1820.djvu/page112-1024px-Marie_de_France_-_Po%C3%A9sies%2C_%C3%A9d._Roquefort%2C_I%2C_1820.djvu.jpg)