E dist come il est avenu,
Quant primes li fut envéiée,
E suz le freisne fut cuchée,
Le pali è l’anel li bailla,
Cil qui primes le envéïa,
Plus d’aver ne reçut od li ;
Come sa nièce la nuri,
La Meschine ben les gardast,
En un cofre les afermat,
Le cofre fist od sei porter,
Nel’ volt lesser ne ublier.
Li Chevaliers ki l’amena,
Mut la chéri è mut l’ama,
E tut si humme è si servant
N’i out un sul petit ne grant,
Pur sa franchise nel’ amast,
E ne chérist, è honerast.
Lungement ot od li esté,
Tant que li Chevalier luité
E mut grant mal li atournèrent.
Sovente feiz à li parlèrent,
Qu’une gentil-femme espusast,
E de cele se délivrast.
Lié sereient s’il eust héir,
Qui après lui puist avéir
Sa tere è sun hiretage,
Trop i avereit grant damage
Si il laissast pur sa suivant
Page:Marie de France - Poésies, éd. Roquefort, I, 1820.djvu/176
Cette page a été validée par deux contributeurs.
160
LAI DEL FREISNE.
