Richement è bien aturnez,
Li Chevaler i est alez
Ki la femme Bisclaveret ot.
Il ne saveit ne ne quidot
Qu’il le déust trover si près.
Si tost cum il vint al paleis,
E le Bisclaveret l’aparceut,
De plain esleis vers li curut.
As dens le prist, vers li le trait,
Jà li éust mut grant leid fait,
Ne fust li Reis ki l’apela
D’une verge le manaça.
Deus feis le vout mordre al jur.
Mut s’esmerveillent li plusur,
Kar unkes tel semblant ne fist,
Verz nul hume ke il véist.
Céo vient tut par la meisun
Ke il ne fet mie sans reisun ;
Meffait li ad coment que seit
Kar volentiers se vengereit.
A cele feiz remist issi,
Tant ke la feste départi ;
E li Baruns unt pris cungé ;
A lur meisun sunt repeiré.
Alez s’en est li Chevalers,
Mien escient tut as premers,
Que le Bisclaveret asailli ;
N’est merveille s’il le haï.
Page:Marie de France - Poésies, éd. Roquefort, I, 1820.djvu/208
Cette page a été validée par deux contributeurs.
192
LAI DU BISCLAVERET.
![](http://upload.wikimedia.org/wikipedia/commons/thumb/7/7c/Marie_de_France_-_Po%C3%A9sies%2C_%C3%A9d._Roquefort%2C_I%2C_1820.djvu/page208-1024px-Marie_de_France_-_Po%C3%A9sies%2C_%C3%A9d._Roquefort%2C_I%2C_1820.djvu.jpg)