Mut cumençastes vilain plait,
De moi bunir è laidengier,
E de la Roïne avillier.
Vantez vus estes de folie
E trop par est vustre amie
Quant plus est bele sa mescine
E plus vaillans que la Roïne.
Lanvax deffent sa deshunur
E la hunte de sun Ségnur ;
De mot en mot, si cum il dist,
Que la Roïne le requist.
Mès de ce que il ot parlé,
Recounut-il la vérité,
De l’amur dunt il se vanta,
Dolans en est, perdue l’a ;
De ce lur dist que il fera,
Quanque li Cours esgardera.
Li Rois fu mut vers li irés
Tus ses humes ad cunjurés
Pur dire droit qu’il en deit faire,
C’um dire le puisse à mal retraire.
Cil unt sun cummandement fait
U eus seit bel, u eus seit lait ;
Cummunément i sunt alé
Si unt jugié et esgardé,
Ke Lanvax deit aveir un jur ;
Mais Plège truist à sun Seignur,
K’il atendra le jugement,
Page:Marie de France - Poésies, éd. Roquefort, I, 1820.djvu/246
Cette page a été validée par deux contributeurs.
230
LAI DE LANVAL.
