Al munt Seint-Michel s’asemblèrent,
Normein, è Bretun i alèrent ;
E li Flamenc, è li Franceis,
Mès ni ot guère de Engleis.
Milun i est alé primers
Qui mut esteit bons Chevalers ;
Le bon Chevaler demanda,
Asez i ot ki li cunta,
De quel part il esteit venuz,
A ses armes, à ses escuz ;
Tut l’eurent à Milun mustré
E il l’aveit bien esgardé.
Dunc li tourneimenz s’asembla ;
Ki juste quist tost l’a trova,
Ki aukes volt les rens cerchier,
Tost pout i perdre u gaignier,
E encuntrer un Cumpainun,
Tant vus voil dire de Milun ;
Mut le fist bien en cel estur
E mut i fu prisez le jur.
Mès li Vallez dunt jeo vus di,
Sur tuz les autres ot le cri,
Ne se pot nul acumpainier,
De turnéer ne de juster.
Milun le vit si cuntenir,
Si bien puindre, è si férir,
Parmi tut ceo k’il l’enviot :
Mut li fu bel, è mut li plot.
Page:Marie de France - Poésies, éd. Roquefort, I, 1820.djvu/372
Cette page a été validée par deux contributeurs.
356
LAI DE MILUN.
