Dis Chevalers od sei mena,
E sa Femme le cunvéa
Forment demeine grant dolur,
Al départir de sun Seignur.
Mès il l’aséurat de sei
Qu’il la porterat bone fei ;
De lui se départi à-tant,
Il tient sun chemin tut avant.
A la mer vient, si est passez,
En Toteneis est arivez ;
Plusurs Réis ot en la tere,
Entr’eus eurent estrif è guere.
Vers Excestre en cel païs,
Maneit un Reis mut poestis,
Vieux humme è auntien esteit,
Ki héir madle ne aveit.
Une fille ot à marier,
Por ceo k’il ne la volt doner,
A sun père s’il guerriot,
Tute sa tere si gastot.
En un chastel l’aveit enclos,
N’aveit el chastel hum si os,
Ki cuntre li osast eissir,
Ne estur ne mellée tenir.
Elidus en oït parler,
Ne voleit mès avant aler,
Quant iloc ad guere trovée ;
Remaner volt en la cuntrée.
Page:Marie de France - Poésies, éd. Roquefort, I, 1820.djvu/422
Cette page a été validée par deux contributeurs.
406
LAI D’ELIDUC.
![](http://upload.wikimedia.org/wikipedia/commons/thumb/7/7c/Marie_de_France_-_Po%C3%A9sies%2C_%C3%A9d._Roquefort%2C_I%2C_1820.djvu/page422-1024px-Marie_de_France_-_Po%C3%A9sies%2C_%C3%A9d._Roquefort%2C_I%2C_1820.djvu.jpg)