Lasse ! cum est mis quors suspris,
Por un humme d’autre païs ;
Ne sai s’il est de haute gent,
Si s’en irat hastivement.
Jeo remeindrai cume dolente,
Folement ai mise m’entente ;
Unc mès ne parlai fors ier
Ore le faz de amer prier.
Jeo quide k’il me blamera ?
S’il est curteis gré me sauera.
Ore est del’ tut en aventure,
E si il n’ad de m’amer cure,
Mut me tendrai pur maubaillie,
Jamès n’aurai joïe en ma vie.
Tant cum ele se dementa,
Li Chamberlanc mut se hasta.
A Eliduc esteit venuz
A cunseil li ad dit saluz
Que la Pucele li mandot,
E l’anelet li presentot :
La ceinture li ad donée,
Li Chevalier li ad merciée.
L’anelet d’or mist en sun dei,
La ceinture ceint entur sei,
Ne li Vadlet plus ne li dist,
Ne il nient plus ne li requist,
Fors tant que du sien li offri,
Cil n’en prist rien, si est parti.
Page:Marie de France - Poésies, éd. Roquefort, I, 1820.djvu/444
Apparence
Cette page a été validée par deux contributeurs.
428
LAI D’ELIDUC.