Tuz ses chasteus alot perdant
E tute sa tere guastant :
Mut s’esteit sovent repentiz,
.....................[1]
Malvais cunseil en ot éu,
E malement l’aveit véu,
Les trahiturs kil’ encusèrent,
E empeirèrent è medlèrent,
Aveit jeté fors del’ païs
E en eissil à tuz-jurs mis.
Por sun grant busuin le mandot,
E sumuneit, è conjurot,
Par l’aliance qu’il li fist,
Quant il l’umage de li prist
Que s’en venist pur lui aider,
Kar mut en aveit grant mester.
Eliduc oï la novele,
Mut li pesa pur la Pucele :
Kar anguissusement l’amot,
E ele lui ke plus ne pot.
Mès n’ot entre eus nule folie,
Ne jolifre, ne vileinie ;
De dounéer è de parler,
E de lur beaus aveirs doner,
Esteit tute la druerie,
Par amur en lur cumpainie.
Ceo fu s’entente, è sun espeir,
El le quidot del’ tut aveir,
- ↑ Il manque un vers. Il me semble qu’on pourroit lui substituer celui-ci :
Del’ Cevalier qu’il entrepris.