Tant aveit purchacié è quis,
Que dedenz la chambre s’est mis :
A la Pucele dist saluz,
E que sis Amis est venuz ;
Quant ele ad la novele oïe,
Tute murne, è esbaïe,
De joïe plure tendrement,
E celui ad baisé suvent,
Il li ad dit que al vesprer,
Estuverat od li aler.
Tut le jur ot issi esté
E lur eire bien devisé.
La nuit quant tut fu aseri,
De la vile s’en sunt parti ;
Li Dameisel è ele od li
E si ne furent mais il dui.
Grant pour ad ke hum ne la veie,
Vestue fu d’un drap de seie,
Menuement de or brosdé
E un curt mantel afublé.
Luinz de la porte al trait dun arc,
Là ot un bois clos d’un bel parc,
Suz le paliz les atendeit,
Sis Amis ki pur li veneit.
Li Chamberlenc là l’amena,
E il descent : si la baisa.
Grant joïe firent al assembler,
Sur un cheval la fist munter,
Page:Marie de France - Poésies, éd. Roquefort, I, 1820.djvu/472
Cette page a été validée par deux contributeurs.
456
LAI D’ELIDUC.
