La tombe novele trova
Mut fu dolenz, mut s’esmaia.
Cil voleïent la fosse faire,
Mès il les fist arière traire ;
U il déust mettre s’Amie :
Il lur ad dit ceo ni ad mie,
Ainz en auerai mun conseil pris,
A la sage gent del’ païs,
Cun purrai le liu eshaucier,
U d’Abbéie, u de mustier.
Devant l’auter la cucherum
E à Deu la cumanderum ;
Il ad fet aporter ses dras,
Un lit li funt igne-le-pas.
La Meschine desus covrirent
E cum pur morte la laissirent
Mès quant ceo vient al départir
Dunc quida-il de doel murir.
Les oilz li baise è la face ;
Bele, fet-il, jà Deu ne place
Que jamès puisse armes porter
Ne al sècle vivre ne durer.
Bele Amie, mar me veistes,
Duce chère, mar me siwistes.
Bele, jà fuissiez uns Reïne,
Ne fust l’amur léale et fine,
Dunt vus m’amastes léaument
Mut ai pur vus mun quor dolent.
Page:Marie de France - Poésies, éd. Roquefort, I, 1820.djvu/482
Cette page a été validée par deux contributeurs.
466
LAI D’ELIDUC.
![](http://upload.wikimedia.org/wikipedia/commons/thumb/7/7c/Marie_de_France_-_Po%C3%A9sies%2C_%C3%A9d._Roquefort%2C_I%2C_1820.djvu/page482-1024px-Marie_de_France_-_Po%C3%A9sies%2C_%C3%A9d._Roquefort%2C_I%2C_1820.djvu.jpg)